ХӨСҮТ-ийн хэвлэл мэдээллийн ажилтан Ч.Уртнасангийн хэлснээр улаанбурхан, томуу хоёр өвчний араас менингит гарах өндөр магадлалтай байна. Иймд толгой хүчтэй өвдөж, өндөр халуурч, арьсан дээр цусархаг тууралт гарвал яаралтай эмнэлгийн байгууллагад хандах хэрэгтэй юм байна.
Вакцин хийлгэж энэ өвчнөөс урьдчилан сэргийлэх бүрэн боломжтой аж. Энэ урьдчилан сэргийлэх вакциныг ХӨСҮТ-ийн Сайн дурын дархлаажуулалтын кабенитад хийдэг. Үнэ нь нэг хүн тун нь 5000 төгрөг. Вакциныг халуурч байгаа, эсвэл халдварт өвчин туссан хүн хийлгэх боломжгүй юм байна. Харин гэрийн нөхцөлд уг өвчнөөс урьдчилан сэргийлэхийн тулд давс, царван, тамедины уусмалаар хоолойгоо тогтмол зайлж, хоолой, амны хөндийн эрүүл ахуйг сайн сахих хэрэгтэй гэж мэргэжилтнүүд зөвлөж байна.
Энэ өвчний бактерийн тээгч нь гол төлөв 0-5 насны хүүхэд байдаг аж. Энэ өвчнийг эхэн үед эмчилгээ хийлгэхгүй бол хүндэрдэг байна. Улмаар хамгийн хүнд хэлбэр болох цахилгаан менингит болж, өвчтөн амиа алдах аюултайг эмч мэргэжилтнүүд анхааруулсан юм.