Ойрын хугацаанд БНХАУ руу үхэр, хонины махыг аль боомтоор экспортлохыг тохиролцохоор болжээ. БНХАУ 2013 онд манай улсын баруун бүсийн таван аймгийн үхэр, хонины махыг авахад шүлхийн хориг тавьсан байсан. Энэхүү хоригийг өнгөрсөн арванхоёрдугаар сард цуцалсан юм.
Ингэснээр Ховд, Баянхонгор, Говь-Алтай, Хөвсгөл, Завхан аймгаас өмнөд хөрш рүү мах экспортлох эрх нээгдсэн. Мах экспортлох холбогдох баримт бичигт гарын үсэг зурж эхний алхмыг хийсэн гэж Монгол Улсаас БНХАУ-д суугаа Онц бөгөөд Бүрэн эрхт Элчин сайд Ц.Сүхбаатар мэдээлжээ.