Цагдаагийн байгууллагад “Эмээлтийн түүхий эд авах цэгийн хашаан дотор чонын хөлдөөсөн мах байна” гэсэн мэдээлэл иржээ.
Мэдээллийн дагуу Сонгинохайрхан дүүргийн 32 дугаар хорооны нутагт байрлах “Эмээлт овоо” түүхий эд авах цэгт шалгалт хийсэн байна. Шалгалтаар Сонгинохайрхан дүүргийн 13 дугаар хороонд оршин суух Б-ын “Nissan Х-Trail” автомашинд хөлдөөсөн таван чоно, долоон үнэг, дөрвөн ширхэг хярс хадгалж байсныг илрүүлжээ.
Эдгээрийг эд мөрийн баримтаар түр хураасан байна. Хэргийг Сонгинохайрхан дүүрэг дэх цагдаагийн нэгдүгээр хэлтэст шалгаж эхэлжээ.