Монголд 13 сая евротой орж ирээд ор сураггүй алга болсон гэх ХБНГУ-ын иргэн 60 настай Максимилиан Лёонхард Клойбер айлд бүгж байгаад нас барсан хэрэг өнгөрсөн онд гарсан билээ. Уг хэрэгтэй холбоотойгоор хамтран амьдарч байсан гэх Ё.Гантуяаг охин, хүргэний хамт шалгаж байгаа. Эл хэргийг Дүүргийн эрүүгийн хэргийн анхан шатны шүүх хэлэлцээд мөрдөн байцаалтад буцаасан байна. Хавтаст хэрэгт зарим материал дутуу авагдсан, дахин шалгах шаардлагатай хэмээн ийнхүү буцаажээ.
М а к с и м л я н Л ё о н х а р д Клойберыг Интерполоор эрэн сурвалжилж байсан ч тэрээр хамтран амьдарч байсан гэх Ё.Гантуяагийн дүүгийнхээс нас барсан байдалтай олдсон гэдэг. Үүний улмаас Максимлян Лёонхард Клойберийн нас барсан хэрэгт Ё.Гантуяа гэгчийн гэр бүлийг шалгаж байгаа юм.
Монголд их хэмжээний мөнгөтэй ирсэн гэх Максимлян Лёонхард Клойберийн хэрэг сүүлийн үед намжаад байгаа. Түүний хэрэгт маш олон зүйл тодорхойгүй байгаа билээ. Адаглаад түүнийг үнэхээр Монголд эрэн сурвалжилж байсан бол энэ урт хугацаанд М о н г о л ы н ц а г д а а н а р яагаад олж чадаагүй, олж чадсан байлаа ч мөрдөн байцаалтыг явуулж байсан уу гээд олон асуудал гарч ирж байгаа юм. Цаашлаад их мөнгөтэй ирсэн гэж, тэр мөнгөтэй нь холбогдуулж бусдыг хүртэл хилсээр шалгаад байсны шалтгаан зэрэг олон асуудлууд мөрдөн байцаалтаар мухарлагдах бололтой.