Монголын хөгжмийн зохиолчдын холбооноос жил бүр уламжлал болгон зохион байгуулдаг “Морин хуур-2015” наадам энэ сарын 16-28-ны өдрүүдэд зохиогдоно. Уралдаанд оролцох уран бүтээлчдийг Монголын хөгжмийн зохиолчдын холбоо бүртгэж дуусан өнөөдөр наадмаа эхлэх гэж байна.
Оны шилдэг дуу шалгаруулах тус наадам 29 дэх жилдээ зохион байгуулагдаж байгаа агаад наадмын эхний шат “Улаанбаатар” чуулгын концертын танхимд өнөөдөр, маргааш хоёр өдөр болох юм. Харин хоёрдугаар шат буюу “Гала” тоглолт энэ сарын 28-нд СТӨ-нд болох юм байна.