УИХ-ын чуулганы нэгдсэн хуралдаанаар Гацууртын
ордын төрийн эзэмшлийн хувь хэмжээ тогтоох тухай УИХ-ын тогтоолын төслийн анхны
хэлэлцүүлгийг хийж гишүүдийн олонхи нь буюу 52 гишүүний 30 нь дэмжсэнээр эцсийн хэлэлцүүлэгт шилжүүллээ.
Ингэснээр УИХ-ын Эдийн засгийн байнгын хороо тус төслийн эцсийн хэлэлцүүлгийг
хийж, чуулганы нэгдсэн хуралдаанд оруулахаар болж байна.
Уг ордыг ашиглах шийдвэрийг УИХ-аас гаргасан
нөхцөлд Монгол эзэмших 34 хувиа ашигт малтмалын нөөц ашигласны тусгай төлбөрөөр
орлуулахаар тусгай зөвшөөрөл эзэмшигч компанитай тохиролцсон байгаа юм. Ингэхдээ хөрөнгө “Сентерра гоулд Монголиа”
компани нь 433,6 сая ам.долларын татвар, төлбөр, хураамж төлнө, 1000 орчим
ажлын байр бий болох тооцоо бий.
Одоо чуулганы нэгдсэн хуралдаанаар Ирээдүйн
тэтгэврийн нөөцийн сангийн тухай болон холбогдох бусад хуулийн төслүүдийг
хэлэлцэж эхлээд байна.