Өнөөдөр Хонхэрэйдийн Б.Энхбатад холбогдох хэргийг Улсын Дээд шүүхийн хяналтын шатны эрүүгийн хэргийн шүүх хуралдаанаар шүүн хэлэлцсэн юм. Шүүгдэгчийн гаргасан гомдлын дагуу өнөөдөр хянан хэлэлцэд Б.Энхбатад давж заалдах шатны шүүхээс оногдуулсан 25 жилийн хорих ялыг хэвээр үлдээхээр шийдвэрлэжээ.
Б.Энхбат нь 2007 оны наймдугаар сарын 6-ны орой 20:00 цагийн үед Баянзүрх дүүргийн 12 дугаар хороо Зүүн Жанжины гудамж орчимд иргэн Ч-г буудаж санаатай алсан гэмт хэргийг үйлджээ.
Нийслэлийн Баянзүрх дүүргийн шүүх дээрх хэргийг хянан хэлэлцээд Б.Энхбатад цаазаар авах ял оногдуулсан юм. Харин Нийслэлийн давж заалдах шатны шүүхээс Б.Энхбатад анхан шатны шүүхээс оногдуулсан цаазаар авах ялыг 25 жил хорих болгон өөрчилсөн билээ.