Нийслэлийн Онцгой байдлын газрын нийт бие бүрэлдэхүүн өнөөдрөөс өндөржүүлсэн бэлэн байдалд шилжин ажиллаж байна. Баяр ёслолын үеэр иргэдийн анхаарал болгоомж суларч гал түймрийн дуудлага эрс ихэсдэг. Ийм учраас онцгойгийнхон бэлэн байдалд ажиллахаар болж байгаа юм. Ням гарагаас даваа гарагт шилжих шөнө л гэхэд гал түймрийн дөрөв, зөрчлийн долоо, орон нутагт гал түймрийн дөрвөн дуудлагатай байжээ. Дуудлагын ихэнхи нь орон сууцны хороололд гарч, эд хөрөнгийн хохирол учирсан ч азаар хүний амь эрсдээгүй гэнэ.