Согтуу эцэг хоёр хүүхдээ цонхоор шидэх гэж байна гэсэн дуудлага өнгөрсөн шөнө Нийслэлийн Онцгой байдлын газарт иржээ. Тухайлбал, Сонгинохайрхан дүүргийн 16 дугаар хорооны 26 дугаар байранд амьдардаг иргэн Б согтууруулах ундаа хэрэглэсэн үедээ хоёр хүүхдээ цонхоор шидэхийг завджээ. Дуудлагын дагуу тус газрын есөн албан хаагч, хоёр техник хэрэгсэлтэй ажиллаж, зургаан настай охин Д, хоёр настай хүү Б нарыг цонхоор шидүүлэхээс аварсан байна. Иргэн Б-г дүүргийн Цагдаагийн газарт хүлээлгэн өгчээ