Өнөөдөр АНУ-ын Ерөнхийлөгч Барак Обама
улсынхаа аюулгүй байдлын талаар ард түмэндээ хандаж үг хэлнэ гэж Цагаан
ордноос мэдээлснийг “РИА Новости” уламжилжээ. Цагаан ордны мэдээлэлд,
Ерөнхийлөгч Обама ням гарагт Цагаан ордны Зууван танхимаас ард түмэнд
хандаж Америкийн ард түмнийг хамгаалах эн тэргүүний зорилтоо
хэрэгжүүлэхэд Засгийн газрын авч буй алхмуудын талаар үг хэлнэ гэжээ.
Мөн Калифорни муж улсын Сан-Бернардино хотод үйлдсэн халдлагын талаар
шинэ мэдээлэл өгнө гэж онцлон тэмдэглэжээ.
Обама терроризмын аюулыг илүү өргөн
утгаар, тухайлбал, энэ аюулын мөн чанар, хаанаас үүдэлтэй хэрхэн устгах
талаар ярих аж. Цагаан ордны мэдээллээс үзвэл, АНУ-ын Ерөнхийлөгч “Лалын
улс бүлэглэлийг устгана гэдэгт бат итгэлтэй байгаагаа, мөн хор
хөнөөлтэй үзэл суртлаа дэлгэрүүлэхэд хүчирхийллийг ашиглаж байгаа
террорист бүлэглэлүүдийг ялахын тулд АНУ шударга ёс, тэгш эрх, эрх
чөлөөг тууштай баримтлагч үнэ цэнэдээ тулгуурлах ёстой” гэж үзэж буй аж.