Улаанбаатар хотын анхны аваргаар Э Дөлгөөн, Б.Цолмон нар тодорлоо. Монголын туялзуур сэлэмний холбоо Хотын аварга шалгаруулах анхдугаар тэмцээнийг Багануур, Эрдэнэт, Улаанбаатар хотод зохион байгууллаа.
Улаанбаатар хотын аварга шалгаруулах тэмцээн “Хаан” банкны театрт болж 50 гаруй тамирчин өрсөлдлөө.
Эрэгтэйчүүдийн төрөлд УБ Фенсинг, Альянс Тех компанийн тамирчин Э Дөлгөөн түрүүлсэн бол УБ Фенсинг клубын Э.Нямлхагва мөнгөн медаль, Ц.Жигжидсүрэн, Э.Төгсбаяр нар хүрэл медаль хүртлээ.
Харин эмэгтэйчүүдийн төрөлд Б.Цолмон (УБ Фенсинг) түрүүлж аваргын алтан медаль, М.Жаргалмаа (Дуэль Фенисинг) мөнгө, О.Анударь, Ц.Нандин (хоёул УБ Фенсинг) нар хүрэл медаль хүртлээ.
Сонирхуулахад хүрэл медаль хүртсэн Ц.Нандин нь тэмцээн оролцсон хамгийн залуу буюу 13 настай тамирчин байсан юм.
Мөн тус тэмцээн оролцсон хамгийн ахмад тамирчин 56 настай Д.Арвин эрэгтэйчүүдийн төрөлд шилдэг 16-д шалгарч шуугиан тарив.