“Узбекистан 2016” Азийн Хөлбөмбөгийн Холбооны футзалны аварга шалгаруулах тэмцээний урьдчилсан шатна “А” хэсгийн тоглолтууд манай улсад болж байгаа билээ.
Энэ хэсгийн эхний тоглолт Тайвань болон БНСУ-ын шигшээ багууд хооронд болоход Тайваний баг 6-4 харьцаатай хожин хэсгээ 3 оноотой тэргүүлж эхэлсэн юм. Харин хэсгийн хоёр дахь тоглолт зохион байгуулагч орон, Монгол болон Хонконгийн багуудын хооронд болж манай шигшээ баг өрсөлдөгчөө 8-3 харьцаатай хожсоноор гоолын зөрүүгээр хэсгээ тэргүүлж эхэллээ. Энэхүү тоглолтонд манай багаас Н.Цэдэнбал 4 гоол оруулан тоглолтын шилдэг тоглогч болсон юм.