Өчигдөр 22 цагийн орчимд Авлигатай тэмцэх газраас Эрүүл мэндийн сайд Г.Шийлэгдамбыг баривчлан, Цагдан хорих 461-р ангид саатуулжээ. Эх сурвалжуудын мэдээлж байгаагаар өчигдөр өдөр түүнээс байцаалт авна хэмээн АТГ-ын албан хаагчид ажил дээрээс нь авч явсан ч орой нь ийнхүү саатуулсан байна. Түүнийг авлигын хэргээр саатуулан шалгаж байгаа гэсэн албан бус мэдээлэл байна. Мөн үүнийг МАХН-ыг засгийн газраас гаргаж, МАН-тай нэгтгэх бодлого явж эхэллээ гэж тайлбарлах зарим иргэд ч байна.
Одоогоор энэ талаар Авлигатай тэмцэх газраас албан ёсоор мэдээлэл хийгээгүй байна.