Хөгжлийн бэрхшээлтэй иргэдийн эрхийг хамгаалах олон улсын өдрийг угтан сарын аяныг өнөөдрөөс эхлүүлжээ.
Арванхоёрдугаар сарын 3-ны өдөр хүртэл “Бүх нийтийн хүртээмжийг хангаж, чадавхыг дээшлүүлье” сарын аяныг Хүн амын хөгжил, нийгмийн хамгааллын яам, Сэргээн засалт, хөгжлийн үндэсний төв болон Хөгжлийн бэрхшээлтэй иргэдийн төрийн бус байгууллагууд хамтран зохион байгуулж байна.
Аяны хүрээнд хамгийн түрүүнд тэд хөгжлийн бэрхшээлтэй иргэдийг дэмжиж, тусалдаг байгууллагуудаар орж талархлаа илэрхийлэх юм байна.
Мөн энэ хугацаанд ”Хөгжлийн бэрхшээлтэй иргэдийн хөгжил хамгааллын бодлого, шинэчлэлийн хэрэгжилт” үндэсний II чуулганыг хийх аж.