Сүүлийн үед цөс чулуужих өвчин маш их
залуужиж байгаа ажээ. Энэ өвчин юутай холбоотойгоор үүсдэг талаар
н.Дугархүү эмч цахим хуудастаа ингэж бичсэн байна. Нэгдүгээрт, өөх тос
огт идэхгүй болсонтой холбоотой. Учир нь, өөх тос идэхгүй тохиолдолд цөс
ялгарах процесс эрчимжихгүй учраас цөсний хүүдийд цөс зогсонгишин
өтгөрч, цөсний чулуу үүсэхийг нэмэгдүүлдэг байна. Иймд тодорхой хэмжээнд
өөх тосыг хэрэглэх шаардлагатай болсныг ойлгож мэдэх хэрэгтэй.
Хоёрдугаарт, цөс чулуужих өвчин үүсэх нь
биеийн жингээ огцом хассантай холбоотой ажээ. Хүн турлаа гээд хоолоо
маш их сойдог энэ нь цөсний үйл ажиллагааг зогсонгошилд оруулж өтгөрүүлж
аяандаа элсэрхэг чулуунуудыг үүсгэдэг байна. Тийм учираас өдөрт 5 удаа
бага багаар хөнгөн хооллож, сард 1-2 кг-аас дээш жин хасахгүй байх нь
эрүүл туралт гэж ДЭМБ зөвлөж байна.
Гуравдугаарт, цөс чулуужих өвчин биеийн
жингийн илүүдэл буюу бүсэлхийн тойрог 90 см-ээс дээш хүмүүст их
тохиолдож байна. Учир нь, дотор өөхлөлт их болсонтой холбоотойгоор
цөсний нугаларал үүсч, цөс зогсонгиших нөхцлийг бүрдүүлдэг. Мөн өөх
тосны солилцоонд алдагдал гарч, холестериний чулуу үүсэхийг дэмжиж
байна.