Өнгөрсөн 7 хоногийн хугацаанд бүртгэгдсэн хам шинжийн дотор цочмог цусархаг суулгалтын хам шинжийн тохиолдол өмнөх долоо хоногоос 6 тохиолдлоор өссөн байна. Олон жилийн дунджаас цочмог халууралт, тууралттай өвчний хамшинжийн тохиолдол 5.4 дахин өндөр, өмнөх 7 хоногоос 12 тохиолдлоор их, харин цочмог халууралт, цэврүүт тууралттай өвчний хамшинж олон жилийн дунджаас 1.6 дахин өндөр, өмнөх 7 хоногоос 30 тохиолдлоор ихэсчээ.
Харин энэ 7 хоногт Улаанбаатар хотод нийт 12 төрлийн халдварт өвчний 169 тохиолдол бүртгэгдснээс цусан суулга- 83, шар-15, салхинцэцэг-19, улаанбурхан-8 гарчээ. Улсын хэмжээнд 40-р 7 хоногт нийт 124,178 хүн амбулаторид үзүүлсний 5,602(4.5%)ньТТТӨ-тэй гэж оношлогджээ. Өвчлөгсдийн 89.3%-ийг 15,71.6%-ийг 4 хүртэлх насны хүүхдийн өвчлөл эзэлж байна. Шинжилгээгээр томуугийн вирус илрээгүй байна.
Энэ 7 хоногт нийт 7 төрлийн халдварт өвчний хамшинж, сэжигтэй 219 тохиолдол мэдээлэгдсэн нь өмнөх 7 хоногоос 80 тохиолдлоор бага байгаа бөгөөд 46.1%-ийг цочмог цусархаг суулгалтын хамшинж, 20.1%-ийг цочмог халууралт, тууралттай өвчний хамшинж, 19.2%-ийг цочмог халууралт, цэврүүт тууралттай өвчний хамшинж зонхилон эзлэж байна.