Энэ сарын 22-ны пүрэв гаригт Давж заалдах шатны шүүхэд УИХ-ын гишүүн М.Батчимэгийн зөвлөх З.Пагмажавд холбогдох хэргийг хэлэлцэх аж.
Өнгөрсөн наймдугаар сарын сүүлээр З.Пагмажав Тайвань руу Монгол Улстай холбоотой мэдээлэл гаргадаг байсан нь тогтоогдсон учир Эрүүгийн хуулийн 79.1-ээр зүйлчилж, 16 жилийн ял оноосон юм. Гэвч З.Пагмажав уг шийдвэрийг эсэргүүцэж, Давж заалдах шатны шүүхэд гомдол гаргажээ.
З.Пагмажав нь УИХ-ын гишүүн М.Батчимэгийг Ерөнхийлөгчийн Үндэсний аюулгүй байдлын бодлогын зөвлөхөөр ажиллаж байх үеэс зөвлөхөөр нь ажилласан юм. М.Батчимэг гишүүний хувьд Тайвань улсад 2005-2008 оны хооронд Тайбэй дахь Улаанбаатарын худалдаа, эдийн засгийн газрын төлөөлөгчийн газрын тэргүүнээр ажиллаж байжээ.