Нийтийн тээврийн салбарт үүсээд байгаа нөхцөл байдалтай холбогдуулан нийслэлийн ЗДТГ-аас өнөөдөр мэдээлэл хийлээ. Улаанбаатар хотын даргын үйл ажиллагааны хөтөлбөрт туссаны дагуу нийтийн тээвэрт “Ухаалаг тээврийн систем”-ийг нэвтрүүлснээр аравдугаар сарын 1-ний байдлаар нийт иргэдийн 70 гаруй хувь нь цахим картаа худалдан авчээ.
Энэ бол дэлхийн жишигт нийцсэн үйл ажиллагаа амжилттай явагдаж байна гэсэн үг хэмээн нийслэлийн Засаг даргын Санхүү хөрөнгө оруулалт хариуцсан орлогч Н.Батаа хэлсэн.
Мөн тэрээр “Хувийн хэвшлийн компаниуд ажил хаясан нь ард иргэдийг ихээр бухимдуулж байна. Үүнийг бид “Зөвшөөрөлгүй ажил таслалт” гэж үзсэн. Тэд өнөөдрөөс ажил хаялтаа зогсоосон” гэсэн юм.