БНСУ-ын Мунгён хотод энэ сарын 2-ноос эхэлсэн Армийн дэлхийн спортын зуны VI наадмын чөлөөт бөхийн тэмцээн өндөрлөлөө. Өчигдөр тэмцээний 61, 70, 86, 125 кг-ын жингүүдийн барилдаан боллоо. Тус барилдаанаас 86 кг-ын жинд олон улсын хэмжээний мастер О.Үйтүмэн нэгдүгээр тойрогт швейцарийн бөх Марко Лукас Рейзенийг 6:4, 4:0, хоёрдугаар тойрогт Өмнөд Солонгосын бөх Ким Гван Укыг цэвэр ялж хагас шигшээ барилдаанд оросын бөх Шамиль Кудиямагомедовт 2:6, 0:4 онооны харьцаагаар хожигдож хүрэл медалийн төлөө барилдсан. Тэрбэээр хүрэл медалийн төлөө ХБНГУ-ын бөх Ульям Харттай оноол таарч 2:0, 1:1 оноогоор ялж хүрэл медаль хүртлээ.
Харин 70 кг-ын жинд Гавьяат тамирчин Г.Мандахнаран нэгдүгээр тойрогт египетийн бөх Еад Ибрагимийг 10:0, хоёрдугаар тойрогт ХБНГУ-ын бөх Тим Мюлллерийг 8:0, 2:0 онооны харьцаагаар ялж хагас шигшээ барилдаанд азербайжаны бөх Ж.Азимовт 1:0, 6:2 онооны харьцаагаар дийлдэж хүрэл медалийн төлөө барилдаанд украиний бөх Е.Хабеловыг 1:0, 10:1 онооны харьцаагаар хожжээ.
61 кг-ын жинд олон улсын хэмжээний мастер Б.Хаш-Эрдэнэ нэгдүгээр тойрогт швейцарийн бөх Ранди Адгин Вокийг 3:0, 1:4 онооны харьцаагаар ялж хоёрдугаар тойрогт украиний бөх Мукола Айвазянд 0:2, 6:8 онооны харьцаагаар хожигдсон.
Мөн 125 кг-ын жинд спортын мастер Чойжилсүрэнгийн Мөнхтогтох нэгдүгээр тойрогт ХБНГУ-ын бөх Жохан Кессельд 2:5, 0:8 онооны харьцаагаар хожигджээ.