Дөрвөн настай охиныхоо амь насанд хүрсэн гэх Т.Цогт, Г.Маралмаа нарыг шүүх хурал Баянзүрх, Сүхбаатар, Чингэлтэй дүүргийн шүүхийн танхимд үргэлжилж буй Т.Цогт, Г.Маралмаа нарыг яллах дүгнэлтийг улсын яллагч Д.Цолмон уншиж танилцуулсан. Яллах дүгнэлтийг унших үеэр талийгаач охины төрсөн ээж уйлж, танхимд шуугиан болжээ. Энэ үеэр шүүгдэгч Г.Маралмаа ухаан алдаж унасан байна. Түүний төрөх сүүлийн хугацаа нь энэ сарын 20 гэдгийг түүний өмгөөлөгч Ц.Хувцагаан шүүх бүрэлдэхүүнд танилцуулсан.
Хурал эхлэхийн өмнө эмч нар Г.Маралмаагийн биед үзлэг хийж, “хэвийн байна, хуралд оролцож болно” гэж шийдсэн ч ийнхүү шүүгдэгч Г.Маралмаа ухаан алдаж унасан байна. Одоогийн байдлаар Яаралтай түргэн тусламжийн эмч нар анхны тусламж үзүүлж байна. Шүүх хурал үүнээс болж завсарласан.