Аравдугаар сарын 6-10-ныг хүртэлх цаг агаарын урьдчилсан төлвийн мэдээг хүргэж байна.
Энэ сарын 6-нд баруун зүгийн нутаг, төвийн нутгийн баруун хэсгээр, 7-нд төв, зүүн зүгийн нутгаар, 8-нд зүүн зүгийн нутгаар хур тунадас, цас орно.
Салхи 6-нд нутгийн баруун хагаст, 7-нд ихэнх нутгаар, 8-нд зүүн зүгийн нутгаар түр зуур секундэд 18-20 метр хүрч шороон болон цасан шуурга шуурна.
Түүнчлэн 6-нд нутгийн баруун хэсгээр, цаашдаа ихэнх нутгаар хүйтэрч Алтай, Хангай, Хөвсгөл, Хэнтэйн уулархаг нутгаар шөнөдөө 8-13 градус хүйтэн, өдөртөө 3 хэм хүртэл хүйтрэх төлөвтэй байна.
Их нууруудын хотгор болон говийн нутгийн өмнөд хэсгээр шөнөдөө 3 градус хүйтнээс 2 градус дулаан, өдөртөө 8-13 градус дулаан, бусад нутгаар шөнөдөө 3-8 хүйтэн, өдөртөө 4-9 градус дулаан байна. Ирэх долоо хоногийн сүүлчээр нутгийн баруун хэсгээр өдөртөө дулаарна.