“Өдрийн сонин”-ы мягмар гаригийн дугаар 20 нүүрээр хэвлэгдэн гарлаа. Энэ өдрийн дугаарт улсын арслан Оюунболдын аав аймгийн начин Д.Энхтөгсийнхөөс хийсэн сурвалжлага нийтлэгдлээ. Тэднийх Хэнтий аймгийн Өмнөдэлгэр сумандаа эгэл даруухнаар аж төрөн суугаа. Гэвч энэ айл “төрийн наадмын түрүү авах үүдтэй айл” гэнэ. Энэ тухай сонирхолтой сурвалжлагыг нэг болон 13 дугаар нүүрээс уншаарай.
Баримт үзэл бодлын гуравдугаар нүүрт “Цөөврүүд улилдаж эхэллээ, дахиад л огцруулалт уу” хэмээх нийтлэл хэвлэгдсэн юм. Харин дөрөвдүгээр нүүрт Шүүхийн ерөнхий зөвлөлийн дарга Н.Лүндэндоржтой хийсэн “Бусад оронд шүүх хурлыг теле сериал гаргаж байгаа юм шиг шууд дамжуулдаггүй” хэмээх ярилцлага хэвлэгдсэн. Түүнчлэн энэ өдрийн дугаарт хэд хэдэн даацтай уншууртай ярилцлага нийтлэгдээд байгаа. Тодруулбал, өмнөх дугаарт гарсан ардын уран зохиолч Шаравын Сүрэнжавын ярилцлаганы үргэлжлэл нийтлэгдсэн. Мөн улс төр судлаач, философич С.Молор-Эрдэнэтэй хийсэн “Ядуусыг баячууд биш нийгмийн оюунлаг, ухаалаг давхарга л чирдэг” хэмээх ярилцлагыг хэвлэлээ. Монгол Улсын гавьяат багш, шинжлэх ухааны доктор профессор Дашлхүмбийн Галбаатартай хийсэн ярилцлага уншигчдын анхаарлыг эрхгүй татах биз ээ. Энэ ярилцлагад хэн дуртай нь ном бичдэгээс уншигчид цөөрч Монголын уран зохиол үхээнц байдалд орсныг шүүмжилсэн байна.
Баримт, цаг үеийн нүүр энэ дугаарт хоёр бий. Нэг нь хорих 461 дүгээр ангид амиа алдсан Д.Амарсайхан агсантай холбоотой “Хуулийнхны хатуурхал буюу Д.Амарсайхан агсны үхлийн шалтгаан” хэмээх цуврал нийтлэл юм. Харин долдугаар нүүрт Төв аймгийн Баянчандмань сумын хурган дарга нар хүчингийн хэрэг үйлдсэн жигшүүрт хэргийн талаар болон замын ажлаас болоод гэртээ орж чадахгүй байгаа суумгай эрийн тухай материалууд багтсан болно.
Түүнчлэн “аян зам”, “эрүүл мэнд”, “эдийн засаг”, “сав шимийн ертөнц”, “дэлхийн мэдээ” зэрэг брэнд болсон уншууртай, чанартай нүүрүүд хэвлэгдээд байна. Эдгээр болон бусад цаг үеийн олон шинэлэг, шуурхай мэдээллийг багтаасан юм.
“Өдрийн сонин”-ы эрхэм уншигч та, манай өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно. “Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба энэ гуравдугаар улирлын захиалгаа өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ