Замын цагдаагийн газраас есдүгээр сарын 1 буюу өнөөдөр замын хөдөлгөөний зохицуулалтаа ердийн журмаар явуулж байна. Өөрөөр хэлбэл одоо ажиллаж байгаа бүрэлдэхүүнээрээ, ажил үүргийн хувиараараа ажиллах юм. Түүнчлэн сургуулиудын орчинд хүүхдийг зам тээврийн осол гэмтэл, зөрчлөөс хамгаалах зорилготой олон нийтийн цагдаа, school police эргүүлүүд ажиллах аж.
Улаанбаатар хотын Цагдаагийн газраас Монголын сурагчдын холбоотой хамтран хэрэгжүүлж буй “School police” эргүүл Нийслэлийн ерөнхий боловсролын 166 сургууль дээр хэрэгжиж, өнөөдрийн байдлаар 97000 гаруй эцэг эхчүүд сургуулийн орчинд сурагчдыг гэмт хэрэг, зөрчилд өртөхөөс урьдчилан сэргийлэх зорилгоор эргүүлд гарч ажиллаж байна.
“School police” эргүүлийн үр дүнд 2015 оны эхний 02 сарын байдлаар Нийслэл хотод ерөнхий боловсролын сургуулийн орчинд 14 гэмт хэрэг бүртгэгдсэн нь өмнөх оны мөн үетэй харьцуулахад сургуулийн орчинд үйлдэгдсэн гэмт хэрэг 12,5 хувиар буурсан үзүүлэлттэй байна.