Урд шөнө нийслэлд зам тээврийн хэд хэдэн осол гарсан байна. БЗД-ийн нутаг Гачууртын зам, Баяндөхөмийн 20 дугаар гудамжны урд замд Х.Аксент маркийн автомашин онхолдож жолооч 28 настай эрэгтэй Г нас барж 2 хүн гэмтжээ.
Мөн БГД-ийн нутаг Энхтайваны өргөн чөлөө, 25 дугаар эмийн сангийн урд замд Т.Приус маркийн авто машины жолооч Б нь явган зорчигч 14 настай эмэгтэй С-г мөргөж гэмтээсэн хэргүүд гарчээ.
Дөнгөж Дүнжингарав худалдааны төвийн ойролцоо зам тээврийн осол болж, нэг хүний амь эрсэдсэн харамсалтай хэрэг гарсан байна. Замын цагдаагийн алба хаагчид ослын газарт шуурхай очин, ослын шалтгаан нөхцөлийг тодруулахаар ажиллаж байгаа гэнэ.