Казахстаны Астана хотноо жүдо бөхийн насанд хүрэгчдийн ДАШТ гурав дахь өдрөө үргэлжилж байна. Эрэгтэйчүүдийн -73кг-д М.Ням-Очир эхний тойрогтоо хийлж хоёрдугаар тойрогт Африкийн аварга шалгаруулах тэмцээний шагналт V байрын эзэн Мозамбекийн Модеиро Эдсонтой оноолт таарсан. Гэвч түүний өрсөлдөгч дэвжээнд гарах боломжгүй болсон учир шууд III тойрогт барилдсан юм. Тэрээр III тойрогт Тажикистаны Кароматулло Хакимовтой барилдаж цэвэр ялсан. Харин тэрээр сая өрсөлдөгчөө торгуулиар цэвэр ялсанаар шөвгийн дөрөвт шалгараад байгаа юм.
С.Ням-Очир нь олимпийн хүрэл, World Masters-ийн алт, Их дуулгын алт, мөнгө, хүрэл, гран пригийн гурван алт, гурван мөнгө, хүрэл, дэлхийн цомын хошой алт, гурван хүрэл медальтай хашир туршлагатай жүдоч гэдгийг та бүхэн мэдэх билээ.