Улаанбаатар хотын Захирагчийн ажлын албанаас нийслэлийн хөрсний бохирдол, тоосжилтыг бууруулах зорилгоор Арслантай гүүрийг усан хөшигтэй болгосон.
Усан хөшиг нь шөнийн цагаар гэрэлтдэг, агаар чийгшүүлэх ач холбогдолтой хэмээн нээлтээ хийх үеэрээ нийслэлийн менежер магтаж байсан боловч тун удалгүй ажиллахаа больсон. Харин иргэд “70 сая төгрөгөөр ус гоождог турба хийлээ” гэж хүчтэй эсэргүүцэн “шээдэг гүүр” гэсэн хоч өгөөд байсан юм. Албаны хүмүүс бүрэн дуусаагүй байсан гэсэн утгатай мэдээлэл хийж байлаа. Тэгвэл өнгөрсөн хугацаанд засвар хийгээд өнөөдрөөс усан хөшиг ажиллаж эхэлсэн байна. Урьдынхыг бодвол арай хол цацардаг болсон бололтой.
Ж.ЭНХ