Нийслэлийн Иргэдийн Төлөөлөгчдийн Хурлын Тэргүүлэгчийн 2014 оны 19 дүгээр тогтоолоор Авто худалдааны цогцолборын эхний ээлжийг ашиглалтад оруулахаар болсон. Цогцолборын ажил Сонгинохайрхан дүүргийн 32 дугаар хорооны нутаг дэвсгэрт явагдаж байгаа бөгөөд ирэх сарын сүүлч гэхэд ашиглалтад орох төлөвтэй байна. Цогцолбор үйл ажиллагаагаа эхлэнгүүт автобусны шинэ маршрут нээгдэх юм. Худалдааны төвийн талбай “Нарантуул” захаас долоо дахин том гэнэ. Цогцолбор машины сэлбэг, суудлын, автобус, жийп болон хүнд даацын машины худалдааны талбай, машин турших авто замтай байна. Мөн авто экспо явагдах нэг барилга, оффисын 14 барилга зэрэг байх юм. Авто худалдааны цогцолборыг таван жилийн дотор бүрэн ашиглалтанд оруулахаар төлөвлөжээ.