Улсын хэмжээнд 2-5 насны буюу цэцэрлэгт хамрагдах ёстой 116.500 хүүхэд байгаа гэх судалгааг холбогдох албаныхан хийсэн байдаг. Энэ жил дээрх тооны хүүхдийн 77 хувь буюу 88 мянга орчмыг нь цэцэрлэгт хамруулах боломжтой аж.
Харин цэцэрлэгийн бүртгэлийг энэ сарын 25-28-нд явуулахаар болжээ. Бүртгэлийн явцад эцэг эхчүүдээс ямар нэгэн төлбөр, хураамж авахгүй. Зөвхөн оршин суугаа хаягийн тодорхойлолт, хүүхдийн төрсний гэрчилгээ, эцэг эхийн иргэний үнэмлэх шаардагдах гэнэ.
Ингэхдээ цэцэрлэгийн эрхлэгч, багш нар зөвхөн хамрах тойргийн хүүхдүүдийг бүртгэж авах аж. Хандив нэрийдлээр бэлэн болон бэлэн бусаар эцэг эхээс төлбөр авч, харьяалалгүй хүүхдийг авахгүй. Хэрэв бүртгэлийн явцад ямар нэгэн хууль бус үйлдэл гарвал дүүргийн Боловсролын газар, НБГ-т иргэд гомдол гаргах боломжтой юм байна.