Сонсголын бэрхшээлтэй иргэдийн шатрын Азийн аварга шалгаруулах гурав дахь удаагийн тэмцээн манай улсад болох гэж байна. Тэмцээн энэ сарын 8-15-ны өдрүүдэд Худалдаа аж үйлдвэрийн танхимд болохоор төлөвлөгджээ. Одоогийн байдлаар таван орны шатарчид цэц сорихоор бүртгүүлээд байгаа аж. Олон улсын сонсголгүй иргэдийн шатрын хороонд Азийн долоон орон харьяалагддаг юм байна. Энэхүү тэмцээн нь анх 2001 онд зохиогдож байсан бол хоёр дахь удаагийн тэмцээн нь 2005 онд болж байжээ.