Хятадын шоронд хоригдож буй Колумбын иргэн, 22 настай Жулиана Лопез цаазаар авах ял сонссон байна. Телевизийн од, загвар өмсөгч, хөлбөмбөгч гэдгээрээ Колумб улсад алдартай Лопез бүсгүй лаптопдоо уут дүүрэн хар тамхи хийж яваад баригджээ.
Тэрээр брэнд хувцасны дэлгүүр ажиллуулдаг бөгөөд шинэ бараа худалдан авахаар Хятад улсын Гуанжоуд очсон байна. Гэрийнхэн нь түүнээс холбоо тасарч хэд хоносны дараа Колумбын засгийн газарт хандаж Хятадын талтай холбоо барьжээ.
Жулиана Лопезийг Хятадын шоронд буй хэмээгээд хар тамхины хэргээр цаазаар авах ял сонссон тухай хариу өгсөн байна. Лопезын ар гэрийнхэн болон түүнийг таньдаг хүмүүс энэхүү мэдээлэлд итгэж чадахгүй байгаа аж.
Хятадын шоронд Колумбын 138 иргэн хоригдож буйгаас 11 нь шоронд насаараа ял эдлэх, 12 нь цаазаар авах ялтай юм байна.