Төв аймгийн Борнуур сумын хоёрдугаар багийн нутаг дэвсгэрт орших хиймэл нууранд завьтай хөвж явсан иргэн И /30 орчим настай, эрэгтэй/ усанд осолджээ.
Тэрээр нуурын эрэг дээр байгаа хүүхэд рүүгээ очихоор ус руу үсэрч ороод алга болчихсон байна. Уг дуудлагыг өнгөрөгч хоногт 18:36 цагт аймгийн Онцгой байдлын газарт хүлээн авч, долоон албан хаагч, эрэн хайх, ажиллагааг зохион байгуулж өнөөдөр өглөөний 07:00 цагт цогцсыг олж гарган Цагдаагийн байгууллагад шилжүүлсэн байна.
Бороо ихтэй гол, нуурын усны түвшин нэмэгдсэн энэ үед иргэд, олон нийтийг усны аюулаас сэрэмжлэхийг Онцгой байдлын газраас анхааруулж байна.