Монгол Улсын аварга
адуучин шалгаруулах “Адуучин” наадам ирэх долдугаар сарын 14-нд Хүй
долоон худагт зохион байгуулагдана. Ерөнхий сайдын ивээл дор зохион
байгуулагддаг тус наадам нь энэ оноос эхлэн Үндэсний их баяр наадмын
хөтөлбөрт албан ёсоор багтсан юм. “Адуучин” наадамд 21 аймгийн шилдэг 21
адуучин залуус авхаалж самбаа ур чадвараа сорин өрсөлдөнө. Мөн энэ
удаагийн наадамд өмнөх жилийн аварга адуучин урилгаар оролцох юм байна.