“Өдрийн сонин”-ы пүрэв гаригийн дугаарт Ерөнхийлөгч Ц.Элбэгдоржийн төр болон намыг хариуцлагажуулах хуулийн төслүүдээ танилцуулсан тухай мэдээллийг онцоллоо.
УИХ-ын гишүүн Д.Хаянхярваа “Цагаа тулахаар АН-ынхан хөөж чадахгүй. Худлаа шоудаж байгаа юм” хэмээн ярьжээ. Япон Улсаас Монгол Улсад суугаа Онц бөгөөд бүрэн эрхэт Элчин сайд Такэнори Шимизутай хийсэн ярилцлагыг “Улс төр” нүүрээс хүлээн авна уу. Тэрбээр “Эдийн засгийн түншлэлийн хэлэлцээр батлагдсанаар Япон, Монголын бизнес улам өргөжин тэлнэ” хэмээн хэлжээ.
“Баримт, үзэл бодол” нүүрт нийтлэлч Б.Цэнддоогийн Эрдэнэт үйлдвэрийн орлогч захирал Д.Даваасамбуутай хийсэн Үйлдвэр “залгасан” хүн ярилцлага нийтлэгдлээ.
“Баримт, үйл явдал” нүүрт УБТЗ-ын даргын үүрэг гүйцэтгэгч асан Г.Сэрээнэндоржийн өмгөөлөгч О.Баясгалантай хийсэн ярилцлага гарсан байна. Г.Сэрээнэндоржийг АТГ цагдан хориогүй, гадуур шалгаж байгаа гэжээ. Ахуйн хэрэглээний газ дэлбэрч найман сартай дүүгээ дүрэлзсэн галаас аварсан 16 настай А.Цэрэнтогтохыг БНСУ-ын эмнэлэгт очвол амь насыг нь аврах боломжтой гэжээ. Түүний найзууд улс орон даяар хандив цуглуулж байгаа гэнэ.
“Томилолт” нүүрээс Үзэсгэлэнт Мон Блан уул хийгээд Женевийн дарсны өрөө, мартах өвчин хэмээх манай сурвалжлагч С.Алтанцэцэгийн аян замын тэмдэглэлийг хүлээн авна уу.
“Наадам айсуй” нүүрт Үндэсний их баяр наадмыг зохион байгуулах хорооны дарга У.Хүрэлсүх “Наадам болох гэж байхад улс төр ярих шаардлага алга” хэмээн ярьжээ. Тэрбээр хотын дарга Э.Бат-Үүлийн хамт наамдын бэлтгэлтэй танилцахаар Төв цэнгэлдэх хүрээлэн болон Хүй долоон худгаар аялажээ.
“Сонгодог урлаг” нүүрээс Дэлхийд алдартай ВВС телевизийн “Cardiff singer off the World” тэмцээнд амжилттай оролцоод ирсэн гавьяат жүжигчин, ДБЭТ-ийн гоцлол дуучин Э.Амартүвшинтэй хийсэн ярилцлагыг уншаарай. Тэрбээр “Ийм гайхамшигтай хоолой сонсоогүй гэж шүүгчид магтаж байсан” хэмээн ярьжээ.
“Эдийн засаг” нүүрээс Хөрөнгийн биржийн гүйцэтгэх захирал Д.Ангартай хийсэн ярилцлагыг хүлээн аваарай. Тэрбээр Хөрөнгийн зах зээлээс 10 их наяд төгрөг босгох боломж бий гэжээ.
Монголын зохион бүтээгчдийн нэгдсэн холбооны ерөнхийлөгч Д.Жаргалсайхан “Бидэнд төрийн мөнгө хэрэггүй” хэмээн ярьжээ. Харин хуулийн орчин, төрийн захиалга байхад л хангалттай хэмээн тэр хэлсэн байна.
“Эрүүл мэнд” нүүрээс Элэг шилжүүлэн суулгах үндэсний багийн ахлагч О.Сэргэлэн “Элэг солиулах зардлын ядаж 50 хувийг даатгалаас төлдөг бол өвчтөн ядуурахгүй” хэмээн ярьсаныг уншаарай. Монгол Улс элэг шилжүүлэн суулгасан 46 дахь орон болжээ. Элэг шилжүүлэх суулгах үндэсний баг хоёр дахь хагалгаагаа бие даан амжилттай хийсэн ч тэдэнд олон асуудал тулгарч байгаа гэнэ.
“Өдрийн сонин”-ы эрхэм уншигч та, манай өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно. “Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба энэ гуравдугаар улирлын захиалгаа өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ