Баянзүрх дүүргийн 20 дугаар хороо, Гачууртын эцсийн буудлын харалдаа Туул голд хүүхэд осолдлоо гэсэн дуудлага Аврах ангийн эрэн хайх салбарын бүлэгт иржээ. Тэднийг очиход 15 настай эрэгтэй голын усанд живж нас барсан байжээ. Урин дулааны улирал аялал зугаалгын үе, эхэлж сурагчдын хичээлийн амралт эхэлсэнтэй холбогдуулан Нийслэлийн Онцгой байдлын газраас иргэдийг голын эрэг орчим зорчихдоо аюулгүй байдлаа хангаж, аюулгүй байдлын тэмдэг тэмдэглэлээг мөрдөж, бага насны хүүхдийг хараа хяналттай байлгахыг онцгойлон анхааруулж байна.