Улсын бүртгэлийн ерөнхий газарт 2006 оноос өмнөх гадаад паспортоо солиулах гэсэн иргэд олноороо ирэх болжээ. Үүрийн 06 цагаас УБЕГ-ын үүдэнд дугаарлан зогсож, ихээхэн оочер дараалал үүсгэжээ. Дээрх үүссэн нөхцөл байдлыг газар дээрээс нь сурвалжлан“Өдрийн сурвалжлага” булангаараа уншигч та бүхэндээ хүргэж байна.
Уржигдар Малайзад амьдарч байсан монгол эмэгтэй халдлагад өртсөн талаарх мэдээлэл цахим ертөнцөөр тарж, иргэд шуугих болсон. Уг гэмт хэрэг Дамансара хотын Бандар Ютама дүүрэгт болсон бөгөөд мотоцикльтой гэмт этгээдүүд нэгэн жийп машин руу гал нээжээ. Харамсалтай нь тус автомашин дотор 26 настай монгол эмэгтэй сууж явсан бөгөөд тэрээр цээж мөрөндөө дөрвөн удаа буудуулан, эмнэлэгт хүргэгджээ. Харин халдлага болох үед жолоо барьж явсан Малайзын иргэн Датук огт бэртэж гэмтээгүй байна. Чухам ямар учир шалтгааны улмаас гэмт этгээдүүд монгол эмэгтэйн аминд хүрэхийг завдсан талаарх нийтлэлийг манай сонины долдугаар нүүрнээс уншаарай.
УИХ-ын гишүүн, УИХ-ын дэд дарга асан, гавьяат эдийн засагч Ж.Гомбожавтай улс төрийн өнөөгийн нөхцөл байдлын талаар, Үндсэн хуулийн өөрчлөлтийн ярицлсан “Нам гэдэг нам хуйвалдаж, сэм идэхийн нэр болчихлоо” хэмээх сонирхолтой ярилцлагыг хоёрдугаар нүүртээ хэвлэлээ.
Монгол Улсын тод манлай уяач, Үр тариа эрхлэгчдийн “Газар тариалан” холбооны ерөнхийлөгч Л.Цандэлэгтэй зүүн аймгуудын тариаланчидтай хийсэн уулзалт, газар тариалангийн хуулиас авахуулаад өнөө жилийн наадамд сойж буй хурдан хүлгүүдийнх нь талаар ярилцав. 13 дугаар нүүрээс уншаарай.
Улсын баяр наадам хаяанд ирсэн энэ л өдрүүдэд хэн хүнгүй наадмаа хэрхэн тэмдэглэн өнгөрүүлэх гэж байгаа талаар чих тавин хүлээж суугаа. Тэгвэл энэ жил улсын их баяр наадмын арга хэмжээнүүд долдугаар сарын 4-нөөс эхлэн зохиогдож эхлэх юм байна. Нийт 16 төрлийн арга хэмжээ зохион байгуулагдах бөгөөд ихэвчлэн Чингисийн талбайд болох аж. Энэ талаарх БСШУЯ-ны дэд сайд Я.Төмөрбаатартай ярилцлага хийснийгдөрөвдүгээр нүүрт гаргалаа .
Энэ мэтчилэн цаг үеийн онц сонирхолтой мэдээ мэдээлэл, ярилцлага, сурвалжлага энэ удаагийн дугаарт багтлаа.
“Өдрийн сонин”-ыэрхэм уншигч та, манай
өнөөдрийн дугаарыг “Монгол шуудан” компанийн нийслэл Улаанбаатар дахь 35
салбар, “Түгээмэл” шуудан, “Улаанбаатар”, “Скай” шуудангийн
салбаруудаас очиж авч болох ба сонин борлуулах бүхий л цэгүүд, Хэвлэлийн
биржээс худалдан авах боломжтой юм. Мөн “Мөнгөн завъяа” дахь сонин
борлуулах цэг, Сансрын үйлчилгээний төв дэх сонин борлуулах цэг, Хан-Уул
дүүргийн 19 дүгээр хорооллын үйлчилгээний төвд байрлах сонин борлуулах
цэг, Саппорогийн “Миний дэлгүүр” дэх сонин борлуулах гол гол цэгүүдээс
худалдах авч болохыг дуулгая. “Өдрийн сонин”-ы өөрийн байранд ирж
худалдан авч бас болно. “Өдрийн сонин”-той холбоотой бүхий л мэдээллийг
Мэдээлэх эрхийн утас 19001987-гоос лавлаж болох ба энэ гуравдугаар
улирлын захиалгаа өгөхийг хүсвэл 9911-2954, 8811-1375 дугаарт холбогдоно
уу. Хэрэв цахим хэлбэрээр нь захиалахыг хүсвэл 88071920 дугаарт
холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ