Налайхын захирагчийн сонгуулийн нэгдсэн
дүнгээр Ш.Хаан 3215 сонгогч буюу 30.91 хувийн санал авснаар ялалт
байгуулсан. Гэсэн ч сонгогчдын 50-иас дээш хувийн дэмжлэгийг авсан нэр
дэвшигч байхгүй учраас сонгуулийг дахин явуулахаар болсон гэсэн мэдээлэл
хэвлэл мэдээллээр тараад байсан юм. Энэ талаар Налайх дүүргийн Засаг
даргын тамгын газраас тодруулахад “Дахин сонгууль явуулах эцсийн шийдвэр гараагүй байна” гэв.
Сонгуулийн нэгдсэн дүнгээр Ш.Хаанд нийт сонгогчдын 30.91 хувь нь, Ц.Минжинхүүд 20.39 хувь, Д.Батбаатарт
1744 сонгогч буюу 16.7 хувь нь, Б.Баяндэлгэрт 969 сонгогч буюу 9.32
хувь нь, Г.Болдбаатарт 304 сонгогч буюу 2.92 хувь нь, Д.Ганболдод 458
сонгогч буюу 4.4 хувь нь, Н.Мандуулд 550 сонгогч буюу 5.29 хувь нь санал
өгчээ.