Жил бүрийн хүүхдийн баярын арга хэмжээний дараа Чингисийн талбай шаар, хог, ундаа, усны лааз зэрэг хог хаа сайгүй хөглөрч үлддэг байсан.
Харин энэ жилийн хүүхдийн баярын арга хэмжээний үеэр энэ саар зүйл давтагдсангүй.
Учир нь, “Найз нь найзыгаа дэмжье” клубын хүүхдүүд хогийн саванд хогоо хийсэн хүүхдүүдийг амттанаар урамшууллаа.
Тус клубын 150 гаруй хүүхэд нийслэл даяар энэхүү аяныг өрнүүлж арга хэмжээ болж буй газруудаар очиж хүүхдүүдийг хогийн саванд хогоо хаяхыг уриалжээ.
Мөн Өмнөговь аймгийн оюутны холбооны 20 орчим хүүхэд “Зөв баярлах нь жинхэнэ баяр” гэсэн бичигтэй сав барин талбайг тойрон цэвэр цэмцгэр байдлыг хангаж байлаа.