Тархины саажилттай хүүхдүүдэд зориулсан сувиллын барилгын санхүүжилтын асуудлыг шийдэхээр Хүүхдийн төлөө Халуун болор төв Фэйсүүк давалгааг эхлүүллээ. Фэйсбүүк давалгаанд 285.000 хүнийг уриалснаас өнөөдрийн байдлаар 5809 хүн нэгдээд байна.
Тархины саажилттай хүүхдүүдэд зориулан 15 жил хүмүүнлэгийн үйл ажиллагаа явуулж ирсэн энэ байгууллага Олон улсын хүүхдийн эрхийг хамгаалах өдрийг тохиолдуулан Улаанбаатар их дэлгүүр, Баянхонгор аймгийн Засаг даргын ивээл дор, Шаргалжуут рашаан сувиллыг түшиглэн сувиллын барилга барих хандивын аяныг явуулж байгаа нь энэ юм.
Та энэ аянд нэгдэж тархины саажилттай хүүхдүүдэд сувиллын барилга барих ажилд оролцохыг хүсвэл зургадугаар сарын 1-ний өдөр тус аяны нээлт дээр Халуун болор хандивын хайрцагт ердөө 1000 төгрөг хандивлаж болох юм. Хандивын хайрцаг Чингисийн талбай, Улаанбаатар их дэлгүүрээр аялана.
