Номын үзэсгэлэн, шинэ номын нээлт, номын клубын гишүүдийн уулзалт, зохиолчдын гарын үсэгтэй худалдаа, зохиолчидтой хийх уулзалттай “Номын баяр” Чингэсийн талбайд болно.
Номын баярын байнгын хүндэт оролцогчид бол ахмад зохиолчид бөгөөд тэд өөрсдийн гарын үсэгтэй номын худалдаагаа хийнэ.
Номын баярыг зохион байгуулагчид иргэдийн эх хэлний боловсролын чанар, харилцааны соёлын түвшинг дээшлүүлэх, эх хэлний дархлааг сайжруулахад ном бүтээгчдийн оролцоо чухлыг онцолж байна.
Ном эрхлэн гаргагчдаас шинэ номоо уншигчдадаа танилцуулах, бэстселлер номын зохиолчид гарын үсэгтэй худалдаагаа хийх, хүүхдийн ном эрхлэн гаргагч байгууллагууд хүүхдийн баяртаа номын бэлэг бэлдэхийг уриалан, номоо бэлгийн багц болгон танилцуулах, худалдаалах гэх мэтээр байгууллага, зохиолчид өөр өөрсдийн хөтөлбөртэй оролцох юм.
Уншигчдын хувьд энэхүү баяраар номыг 5-50хувь хямдруулан худалдан авах таатай боломж бүрддэг билээ.