Ядамын Мөнхчулуун агсны нэрэмжит “Хөдөлмөрийн Эрүүл Мэнд-2015” эрдэм шинжилгээний III хурал болж өнгөрлөө. “Мөнхчулуун Сан” АШУҮИС-ийн Нийгмийн эрүүл мэндийн сургуультай хамтран зохион байгуулсан эрдэм шинжилгээний хуралд УИХ-ын гишүүн М.Зоригт, АШУҮИС-ийн Нийгмийн эрүүл мэндийн сургуулийн захирал О.Чимэдсүрэн, багш, оюутнууд болон МХЕГ, Нийгмийн эрүүл мэндийн хүрээлэнгийн мэргэжилтнүүд оролцжээ. Хөдөлмөрийн эрүүл мэнд, мэргэжлийн өвчин судлалын салбарыг хөгжүүлэх, судлаачдыг идэвхжүүлэх зорилготой уг эрдэм шинжилгээний хурлын шалгаруулалт хоёр шаттай болсон байна. Эхний шатанд бүтээлээ ирүүлсэн нийт судлаачдаас шилдэг есөн бүтээлийг шалгаруулан өчигдөр аман байдлаар хэлэлцүүлж шилдэг нэг илтгэгчийг шалгаруулсан байна. “Хөдөлмөрийн Эрүүл Мэнд-2015” ЭШХ-ын шилдгээр судлаач Б.Нандин-Эрдэнийн “Багануурын нүүрсний уурхайн ажилчдын нарийн ширхэгтэй тоосонцор, цахиурын давхар ислийн өртөлтийн үнэлгээ” сэдэвт бүтээл шалгарч судалгааны тэтгэлгээр шагнуулсан байна.
