Холливудын нэрт жүжигчин, НҮБ-ын элч Анжелина Жоли, түүний нөхөр жүжигчин Б.Питт хоёрыг мэдэхгүй хүн үгүй.Дүрвэгсдийн асуудалд нэлээд анхаарал хандуулан ажиллаж байгаа А.Жоли“Wirtschafts Woche” сэтгүүлд өөрийнхөө амьдрал, уран бүтээлийн талаар ярьсан байна. Холливудад амьдардаг тэрээр зэвсэгт мөргөлдөөн болж буй халуун цэгүүдэд байнга очиж дүрвэгсэдтэй уулзаж, найруулагчаар ажиллахын сацуу зургаан хүүхдүүд өсгөдөг билээ.
-Хатагтай Жоли, та Оскарын шагналтан. НҮБ-ын дүрвэгсдийн асуудал хариуцсан элчийн үүрэг гүйцэтгэхэд энэ нь хэрэг болдог уу. Эсвэл та нэртэй найруулагч болохыг хүсч байна уу. Хүмүүс таныг Бранжелина гэх болсон?
-Үүнийг би ойлгохгүй байгаа. Тэгээд ч энэ нь надад чухал биш. Ер ньби энэ нэрэнд дургүй. Миний амьдрал ердийн хүнийх шиг биш гэдгийгхүлээн зөвшөөрнө. Гэхдээ би бол жирийн л нэг хүн.
-Жүжигчний ажил таныг улам завгүй болгож байгаа тухай та ярьсан. Та шоу, мөнгө хоёр эргэлдсэн ертөнцөөс гарахыг хичээсээр байна уу?
-Кинонд тоглохоо бүр болихгүй зүгээр лбагасгана. Зургаан жилийн өмнөөсби Клеопатратай холбоотой нэг төсөл эхлүүлсэн. Түүнийгээжүжигчнийхээ хувьддуртайяа хэрэгжүүлнэ. Ер нь бол би найруулагчийн ажилд их дуртай. Жүжиглэхээс илүү найруулагчийн ажлаас таашаал авдаг. Тиймээс энэ чиглэлээр үргэлжлүүлэн ажиллахад бэлэн байна.
-Таныг улс төрд орох гэж байгаа гэсэн яриа гарсан байсан…
-Энэ бол худлаа. Би улс төрийн албан тушаалтай болох гэсэн юм биш. Нөгөө талаас одоогоос таван жилийн өмнө би найруулагчаар ажиллана гэж бодоо ч үгүй. НҮБ-тай анх хамтран ажиллаж эхлэхэд юу хийх талаар надад тодорхой төлөвлөгөө байгаагүй. 2014 онд Их Британийн Гадаад хэргийн сайдтай хамтран зэвсэгт мөргөлдөөн болж байгаа газруудад эмэгтэйчүүдийг хүчирхийлэх явдалтай тэмцэх талаар тунхаг бичигт гарын үсэг зуруулна гэж бодож байсангүй. Аль болох бага ярихад хийх юмны утга учир улам тодорхой болдог. Дүрвэгсдийн асуудлаар ажилласнаарминий амьдрал хэрхэн өөрчлөгдсөнийг би тодорхойлж чадахгүй. Ямар ч байсан би өөрөө улам нээлттэй болсон. Бусдын адил нас явах тусам улс төрийн хувьд улам идэвхтэй болж байгаа. Учир ньманай дэлхийн талаар би илүү ихийг мэдэж авсан.Хэрвээ улс төрийн салбарт тодорхой зүйлийг хийх боломж гарвалзаавал ашиглана. Гэхдээ ямар нэгэн албан тушаалд томилогдох гэсэн юм биш.
-Үүний оронд таэрэгтэй найруулагчид давамгайлсан Холливудын “улс төрд” анхаарлаа хандуулбал дээр байх. Энэ талаар ямар бодолтой байна?
-Эмэгтэй найруулагч маш цөөхөн байдгийг анзаараад би ихэд гайхаж билээ. Гэхдээ ирээдүйд эмэгтэй найруулагчдын тоо нэмэгдэнэ. Яагаад гэхээр тэдэнд өөрийнхөө бүтээлийг үзүүлэх боломж илүү их болсон. Би найруулагчаар ажиллаж эхлэхдээ эмэгтэй хүн ийм ажил хийнэ гэдэг онцгой юм гэдгийг сайн ойлгодоггүй байж. Би энэ ажлаа хийхдээ эмэгтэй хүн гэсэн үзлээс хийдэггүй
-Та амьдрахын төлөө тэмцэж байгаа ер бусын түүхээр кино хийдэг. Жишээ нь “Unbroken” бүтээлдээ Японы дайны үед олзлогдсон Луис Замперинидхэмээх Америкийн цэргийн талаар өгүүлсэн. Үүний өмнө хуучин Югославт болсон иргэний дайныг харуулсан кино хийсэн. Харамсалтай нь энэ бүтээл дорвитой орлого олоогүй?
-Би ашиг олох гэж кино хийдэггүй. Энэминий зорилго биш. Киног маань санхүүжүүлсэн хүмүүс өөр бүтээл хүсэн хүлээж байсан ч хамаагүй. Би үзэгчдэд зориулж кино хийдэг. “Unbroken” киноны баатар 15 настай хүүгийн амьдралыг харуулахад амаргүй байсан. Тэр хүний ер бусын түүхийг харуулахыг л хүссэн. Найруулагчийн хувьд хийсэн анхны бүтээл маань“In the Land of Blood and Honey“. Энэ киног санамсаргүйхийхээр болсон. Би дэлхийн зэвсэгт мөргөлдөөн болж буй газруудаар явахдаа энэ тухай нэг түүх бичсэн. Дайн хүмүүсийн хоорондох харилцааг үгүй болгодгийг харуулсан юм. Брэд түүнийг уншаад санаагаа хэлээгүй бол би хэзээ ч найруулагчаар ажиллахгүй байсан.
-Та “Unbroken” кинондоо ч дайны талаар өгүүлсэн. НҮБ-ын элч болохоор дайны золиос болсон хүмүүс тань дээр өөрсдөө ирээд амьдралаа ярьдагуу?
-Мэдээж тэгэлгүй яахав. Би 15 жил дайн болж буй газруудаар явж түүний золиос болсон хүмүүс, дүрвэгсэдтэй уулзаж байгаа. Ийм газруудад нэг майханд 15-20 хүн амьдардаг. Энхийг сахиулагчид байхгүй газарт ч очдог. Үүнийг үзэгчдэд хүргэхийг хичээдэг. “Unbroken” кинонд Луис Замперинид дайны дараа буцаж ирээд өөрийнх нь хоригдож байсан шоронгийн харгалзагчтай гар барьж, Хирошимад очиж бөмбөгдөлтөнд нэрвэгдсэн хүмүүстэй уулздаг. Тэр өөрийгөө япончуудтай сэтгэлээрээ холбоотой гэж боддог. Дайн болоход аль аль талын энгийн иргэд амиа алддаг. Тиймээс ч кинонд Токиог хэрхэн бөмбөгдөж байгааг харуулсан.
-Та зургаан хүүхэдтэй. Олон түмэн таныг анхааралтай ажигладаг нэг шалтгаан нь энэ байх. Та хүүхдүүдээрээ дамжуулан өөрийгөө сурталчилдаг уу?
-Миний өргөмөл хүүхдүүд бүгд зэвсэгт мөргөлдөөн болсон газарт төрсөн. Энэ нь ямар байдгийг тэд өөрийн биеэр мэдэрсэн. Хүү Мэддокст би Камбожид байшин авч өгсөн. Тэр байшинд 48бөмбөг байсныг бидянзалж аюулгүй болгосон. Байшин нь бас нуувчтай. Мэддоксийн дүү Вьетнамд төрсөн. Камбож, Вьетнам хоёр дайтаж байсан шүү дээ. Миний хүүхдүүд НҮБ-ын цэргүүд хаана энхийг сахиулж байгаа талаар мэдээллийг байнга авдаг. Тэд сургуульд нь хэрэгжүүлж буй нийгмийн төслүүдэд идэвхтэй оролцдог. Бид хоёр хүүхдүүдээ байнга гадагшаа авч явдаг. Манайх Холливудын гэдэг тодотголтой гэр бүл биш.
Орчуулсан
Ю.ДЭЛГЭРМАА