Хүүхдийн баярыг энэ жил Хүй долоон худагт тэмдэглэхээр болжээ. Ирэх зургаадугаар сарын 1 буюу олон улсын хүүхдийн эрхийг хамгаалах өдрийг хотоос зайдуу цэвэр агаарт, машин тэрэгнээс хол, айх айдасгүй орчинд тэмдэглэхээр Монгол наадам цогцолборынхон бэлтгэл ажилдаа орсон байна. Баярын өдрийг угтан тавдугаар сарын 30, 31-нд Хүүхдийн урлагийн тоглолт, унадаг дугуйн уралдаан, өсвөрийн сур харваачдын тэмцээн, сагсан бөмбөгийн тэмцээн, багачуудын бөхийн барилдаан, амьтны хүрээлэн, нохой тэжээгчийн цуглаан зэрэг арга хэмжээг зохион байгуулахаар болжээ.