Энэ сарын 8-ны өдөр БНСУ-ын Тэгү хотын шүүх Монгол улсын иргэн, 27 настай оюутан, эрэгтэй Л-д холбогдох хэргийг хянан хэлэлцжээ. Түүнийг насанд хүрээгүй эмэгтэй хүүхдийг хүчирхийлэхийг завдсан хэрэгт буруутган шалгаж, улмаар гурван жилийн хорих ял оноосон байна. Тэрээр хэрэг үйлдэх үедээ согтууруулах ундаа хэрэглэсэн, биеэ хянах чадваргүй байсан аж.
Өнгөрсөн оны наймдугаар сарын 05-ны өдрийн 15:05 цагийн орчим хамтран амьдрагч эмэгтэйгээ гадуур түр гарсан хойгуур түүний арван настай охиныг хүчирхийлэхийг завдсан хэрэг үйлджээ.
Л нь БНСУ-ын Засгийн газрын тэтгэлгээр тус улсад суралцаж байсан бөгөөд анхан шатны шүүх түүнд гурван жилийн ял оноож, давж заалдах шатны шүүх ялыг хэвээр үлдээжээ.