Германы Берлин хотноо АНУ-ын тагнуулын экс ажилтан Эдвард Сноудан, “WikiLeaks” сайтын үндэслэгч Жулиа Ассанж болон Челси Мэнин нарын хөшөө сүндэрлэсэн тухай “www.dailymail.co.uk” мэдээллээ. Хөшөөг Италийн уран барималч Дэвид Дорминог урласан бөгөөд Берлин дэх Александрплацын талбайд байршжээ. Эдгээр хөшөө нь уран барималчийн “Хэлэх зүйл үгүй” төслийн нэг хэсэг гэнэ. Гурван хүний хөшөөг сандал дээр зогсоосон бөгөөд дөрөв дэх сандлыг олон нийтэд зориулж хоосон орхисон гэжээ. Энэхүү хөшөөнүүд шилжин явах бөгөөд дараагийн байрлуулах газар нь Германы Дрезден хот билээ. Барималч “Тун удахгүй Сноудан, Ассанжийн хөшөө АНУ-д очих болно. Би Цагаан ордны өмнө Сноуданы хөшөөг байрлуулахыг хүсч байна” гэж хэлжээ.