Ирэх жил “АСЕМ” чуулга уулзалт болохтой холбогдуулан нийслэлд тохижилтын ажил эрчимжиж байна. Өчигдөр нийслэлийн Захирагчийн ажлын албанаас уран бүтээлчдийн дунд 22 сая гаруй төгрөгийн шагналын сантай хотоо чимэх уран баримлын уралдаан зарлаж байгаагаа зарлав. Тэргүүн байр нь таван сая төгрөгийн шагналын сантай уг уралдаанд оролцох бүтээлийн эх загварыг энэ сарын 18-ны 17.00 цаг хүртэл Хангарьд ордны 609 тоотод хүлээж авах юм байна. Ард кино театр, Монгол бөхийн өргөө, Монгол банкны замын эсрэг тал гэх мэт 11 тодорхой талбайд нийт 15 ширхэг 1-3, 5 метр хөшөөний загвараа уран бүтээлчид захирагчийн албанд ирүүлэх аж. Хөшөөг мод болон хиймэл чулуу, хатууруулсан нийлэг материалаар урлах юм байна. Шалгарсан загварыг нийслэл санхүүжүүлж, урлан, материал бусад зүйлээр хангахаар төлөвлөжээ