Улаанбаатар Сөүл хотын хооронд ах дүүгийн найрамдалт харилцаа тогтоосны 20 жилийн ой энэ өдрүүдэд тохиож буй.
Ойн хүрээнд БНСУ-ын Сөүл хотноо “Улаанбаатарын өдөр” арга хэмжээг энэ сарын 1-3-ны өдрүүдэд зохион байгуулж, нийслэлийн Засаг дарга Э.Бат-Үүл тэргүүтэй төлөөлөгчид Сөүл хотноо айлчилж байгаа юм. Айлчлалын хүрээнд Сөүл хотын дарга Пак Вон Сүн хотын дарга Э.Бат-Үүл нар хамтын ажиллагааг сайжруулах чиглэлд хамтран ажиллах санамж бичигт гарын үсэг зурсан. Мөн энэ үеэр тус хотын дарга Пак Вон Сүн нийслэлийн Засаг дарга Э.Бат-Үүлийг “Сөүл хотын хүндэт иргэн”-ээр өргөмжилж, цол олгожээ.