Казахстаны Атырау хотод Ардын баатар Исатай Тайманов болон Махамбет Өтемисовын дурсгалд зориулсан боксын олон улсын “А” зэрэглэлийн тэмцээнд Монголын боксчид тулалдлаа.
Тэмцээнд ОХУ, Монгол, БНХАУ, Казахстан, Узбекстан, Киргизстан, Тажикстан, Унгар зэрэг арав гаруй орны тамирчид тулалдсан байна. Тэмцээнээс 56кг-д тоглосон ОУХМ Э.Идэрхүү алтан медаль хүртсэн бол 52 кг-д өрсөлдсөн ОУХМ А.Нурлан мөнгөн медаль хүртжээ. Мөн 49 кг-ын жинд ОУХМ Г.Ариунболд , спортын мастер Т.Жолдасбек, 69 кг-д олимпийн хүрэл медальт, ДАШТ-ий хошой хүрэлтэй, гавьяат тамирчин У.Мөнх-Эрдэнэ, 85 кг-ын жинд ОУХМ С.Эрдэнбаяр нар хүрэл медаль хүртсэн байна.