Цахимаар газар өмчлүүлэх ажлын гурав дахь ээлжийн бүртгэл энэ баасан гарагт буюу тавдугаар сарын нэгэнд эхэлнэ гэж Нийслэлийн өмчийн харилцааны газраас мэдээллээ. Бага ам, Богдын давааны ам болон Налайх дүүргийн Нисэх хотхон зэрэг 11 байршилд иргэдэд газар өмчлүүлэх юм байна. Одоогийн байдлаар 24.7 мянган иргэн цахимаар газар өмчилж аваад байгаа. Үүнээс гадна Нийслэлийн засаг даргын захирамжийн дагуу нийслэлийн өмчөөс тухайн жилд хувьчлахаар жагсаалтад орж батлагдсан хуулийн этгээд, эд хөрөнгө болон нийслэлийн газрын дуудлага худалдааг сар бүр зохион байгуулж байхаар болсон байна. Мөн иргэд хүсвэл тэдний хувийн өмчийн газар, үл хөдлөх хөрөнгийг нь дуудлагаар худалдах ажлыг Нийслэлийн өмчийн харилцааны газраас зохион байгуулж байхаар болжээ.