Монголын шатрын холбооны насанд хүрэгчдийн Улсын аварга шалгаруулах тэмцээн дөрөвдүгээр сарын 18-26-нд Хан-Уул дүүргийн Мал аж ахуйн хүрээлэнгийн байранд боллоо. Энэ удаагийн тэмцээнд эрэгтэй 14, эмэгтэй 12 шатарчин тойргийн журмаар өрсөлдсөн бөгөөд найман их мастераас хоёр нь оролцжээ. Тодруулбал, их мастер Б.Гүндаваа, Ц.Шаравдорж, Д.Номин-Эрдэнэ, Т.Батчимэг, Б.Мөнгөнтуул, А.Энхтуул нар оролцоогүй юм.
Эрэгтэйчүүдийн ангилалд их мастер Ц.Батчулуун 9.0 оноогоор улсын аваргын гурав дахь түрүүгээ хүртлээ. Тэрээр зургаа хожиж, зургаа тэнцэн, нэг хожигджээ. Эмэгтэйчүүдийн ангилалд ОУМ Б.Анхчимэг 9.5 оноогоор тав дахь түрүүгээ хүртсэн байна.
Тэмцээний дүн:
Эрэгтэй:
Алтан медаль: Их мастер Ц.Батчулуун (“Алдар” спорт хороо, “Зууны шатар” клуб, Үндэсний шигшээ баг, Баянхонгор аймгийн тамирчин) 9.0 оноо
Мөнгөн медаль: Гавьяат тамирчин, Их мастер Б.Хатанбаатар (Баянгол дүүрэг) -9.0 оноо.
Хүрэл медаль: ОУМ Г.Мөнхгал (Өвөрхангай аймаг) – 8.0 оноо.
IV байр: ОУШХ-ны мастер Э.Энхнар (Сүхбаатар аймаг, МУИС) – 8.0 оноо.
V байр: ОУШХ-ны мастер С.Билгүүн (“Хан хөхий” клуб, МУИС) -7.5 оноо.
Эмэгтэй:
Алтан медаль: ОУМ Б.Анхчимэг (“Абико” компани, Архангай аймаг) – 9.5 оноо.
Мөнгөн медаль: ОУМ Д.Янжиндулам (“Алдар” спорт хороо) – 9.0 оноо
Хүрэл медаль: ОУШХ-ын мастер С.Отгонжаргал (“Төрийн банк”, Баянхонгор аймаг) -8.0 оноо.
IV байр: ОУШХ-ны мастер Т.Мөнхзул (“Икон” компани) – 7.5 оноо
V байр: Спортын дэд мастер Ү.Үүрийнтуяа (“Хан-Алтай” клуб, МУИС) 6.5 оноогоор тус тус орсон байна.
Их мастер Ц.Батчулуун улсын аваргын гурав дахь түрүүгээ хүртлээ.
ОУМ Б.Анхчимэг тав дахь түрүүгээ хүртлээ.
Олон улсын мастер Г.Мөнхгал улсын аваргаас анхны медиалиа хүртлээ.
Улсын гурван удаагийн аварга Д.Янжиндулам энэ жил дэд байрт шалгарав.
