“Өдрийн сонин”-ы даваа гаригийн дугаар 28 нүүрээр хэвлэгдэн уншигчдынхаа гарт хүрч байна. Энэ өдрийн дугаарт гарсан нийтлэл, сурвалжлага, ярилцлагаас онцолж, тоймлон хүргэе.
Даваа гариг бүрийн дугаарт гардаг “Танайд өнжье” уламжлалт булангаар Монгол Улсын гавьяат тамирчин, Дэлхийн хошой аварга, Азийн аварга, боксчин Т.Үймүмэнгийн гэрийн хоймор зочилж, түүнтэй хуучиллаа. Нэгэн цаг үед Монголын боксын спортын нэрийн хуудас болж явсан эрхэм гавьяат энгийн сайхан яриа хөөрөөтэй аж. Түүний боксын спортод орсон түүх нь их энгийн юм. Ерөөсөө л атаман овгор болох хүслээс өдгөөгийн том амжилт эхэлжээ. “Танайд өнжье” буланг нэг болон 12, 13 дугаар нүүрээс дэлгэрэнгүйгээр нь хүлээн авч уншина уу.
Манай сэтгүүлч Ц.Баасансүрэн томилолтоор явж, Төв аймгийн Жаргалант сумын нутагт хаваржиж буй малчин Батдоржийн хотонд бууж, сурвалжлага бэлтгээд ирлээ. Энэ хаврын хоёр ч удаагийн цасан шуурганы улмаас малчдын хотонд хаваржилт тааруу байна. Хурга, ишиг эндэх нь өмнөх жилүүдээс их байгаа аж. Сурвалжлагыг нэг, 17 дугаарт хэвлэлээ.
Улс төрийн мэдээллийн нүүрт УИХ-ын гишүүн асан Д.Одончимэдийн ярилцлага гарав.Тэрбээр засагт хамтарч буй намаа, намын гишүүдээ шүүмжилсэн юм. Мөн хоёрдугаар нүүрт “Авлигаас ангижрах нэрээр дахиад л хэвлэлийг боомилох гэж байна” хэмээх гарчигтай нийтлэл гарлаа. “Авлигатай тэмцэх, хариуцлага, шударга ёсыг бэхжүүлэх үндэсний хөтөлбөрийг батлах тухай” УИХ-ын тогтоолын төслийг хэлэлцэж байгаа. Яг үнэндээ хэвлэл мэдээллийг боомилох гэсэн бас нэгэн төсөл юм. Энэ тухай хоёрдугаар нүүрээс уншаарай.
“Өдрийн сонин”-ы нийтлэлийн бодлогыг тодорхойлж байдаг гуравдугаар нүүрт нийтлэлч П.Хашчулууны “Монголын төр жайжийчихлаа” хэмээх нийтлэл гарлаа. Нийтлэд “…Төрийн албан хаагчдыг хоморголон халж байгаа үйл явц өнөөдөр бүх яам, тамга, газар, хэлтэс, агентлагууд дээр явж байгааг ҮАБЗ анхааралдаа авч Монгол төрийн дархлаанд, цаашилбал үндэсний аюулгүй байдалд нөлөөлөхүйц хэмжээнд хүрч байгааг ярилцсан бололтой. Яахыг нь, ямар арга хэмжээ авахыг нь харж байя…” гэжээ. Гуравдугаар нүүрээс бүрэн эхээр нь уншина уу.
Монголын хуулийнхны хамар дороосоо алдчихсан гэх Л.Клойберийн хэргийн эргэн тойронд чухам юу өрнөсөн тухай долдугаар нүүрт нийтэллээ. Түүний хэргийн тухай Монголын хэвлэлүүдэд юу гэж гарч байсныг энд тоймлон гаргав.
Ардын уран зохиолч Бөхийн Бааст абугайн гэрт нь манай сурвалжлагч очиж түүнтэй хөөрөлдөв. Нэгэн зууныг жавхалзаж гялалзаж, бичиж бүтээж, уншиж судалж өнгөрөөж буй зохиолч маань тун чиг сонирхолтой яриа дэлгэснийг 19 дүгээр нүүрээс унших биз ээ. Мөн Монголоос Эверестэд хамгийн анх авирсан уулчин Н.Жуковын сонирхолтой дурсамж ярилцлагыг 11 дүгээр нүүрт гаргалаа. Тэрбээр Эверестэд авирахын тулд Зайсан толгой руу авирч бэлтгэлээ базаадаг байсан тухай, ямар хүнд нөхцөлд дэлхийн ноён оргилын оройд гарах гэж тэмцсэн тухайгаа гээд 90 хоногийн адал явдал бүхнээ энд ярьсан юм. Эдгээр болон Нийгэм, Соёл урлаг, Цаг үе, Дэлхийн мэдээ зэрэг булангуудаас хэрэгтэй мэдээллүүдээ уншаарай.
Дашрамд дуулгахад, “Өдрийн сонин”-ы хоёрдугаар улирлын нэмэлт захиалга явагдаж байна. Манай сониныг захиалахыг хүсвэл 9911-2954, 8811-1375 дугаарт холбогдож захиалгаа өгөөрэй. Мөн цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
Эрхэм уншигч та, манай сонинг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлана уу.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ